«Jastar» ǵylymı-zertteý ortalyǵy» respýblıkalyq menshikke ótedi

ASTANA. QazAqparat – «Jastar» ǵylymı-zertteý ortalyǵy JShS Qazaqstan qoǵamdyq damý ınstıtýtynyń quramynan shyǵarylyp, Aqparat jáne qoǵamdyq damý mınıstrliginiń menshigindegi derbes uıym bolyp qaıta qurylmaq, dep habarlaıdy QazAqparat tilshisi.

«Jastar» ǵylymı-zertteý ortalyǵy» jaýapkershiligi shekteýli seriktestiginiń jarǵylyq kapıtalyna qatysý úlesiniń 100 paıyzyn syıǵa tartý sharty boıynsha respýblıkalyq menshikke berý týraly «Qazaqstan qoǵamdyq damý ınstıtýty» kommertsııalyq emes aktsıonerlik qoǵamynyń usynysy qabyldansyn. Qarjy mınıstrliginiń Memlekettik múlik jáne jekeshelendirý komıteti seriktestiktiń jarǵylyq kapıtalyndaǵy memlekettik qatysý úlesin ıelený jáne paıdalaný quqyqtaryn Aqparat jáne qoǵamdyq damý mınıstrligine berýdi qamtamasyz etsin», - delingen Úkimet qaýlysynyń jobasynda.

Endi «Jastar» ǵylymı-zertteý ortalyǵy Aqparat mınıstriliginiń derbes vedomstvolyq baǵynysyndaǵy derbes uıym retinde qaıta qurylady.

«Jobanyń maqsaty - «Jastar» ǵylymı-zertteý ortalyǵy JShS-ny ǵylymı zertteýler júrgizetin jáne memlekettik jastar saıasatyn iske asyrýdy ádistemelik qamtamasyz etýdi júzege asyratyn biryńǵaı respýblıkalyq ǵylymı-ádistemelik ortalyq retinde mınıstrliktiń derbes vedomstvolyq uıymy etip «Qazaqstan qoǵamdyq damý ınstıtýty» KEAQ-tyń quramynan shyǵarý», - dep túsindirme berilgen qaýlyǵa.

Qujat 16 maýsymǵa deıin kópshilik talqylaýda bolady.