Jastar festıvaliniń jeńimpazdary marapattaldy

ASTANA. QazAqparat – Astanada «Jastar Jalyny-2022» shyǵarmashyl jastar festıvaliniń jabylý saltanaty ótti, dep habarlaıdy QazAqparat elorda ákimdiginiń resmı saıtyna silteme jasap.

Festıvalge qatysýǵa elordalyq joǵary oqý oryndarynyń ókilderi arasynan barlyǵy 14 komanda ótinim berdi.

Stýdentter 10 nomınatsııa boıynsha baq synady. Olar ózderiniń qabiletterin bı, vokal, poezııa, mýzyka, beıneleý jáne teatr ónerinde, sondaı-aq ıntellektýaldy vıktorınada kórsetti. Qatysýshylardyń talantyn mádenıet jáne óner qaıratkerleri, elimizdiń eńbek sińirgen ártisteri, kásibı horeograftar men vıdeograftar baǵalady.

Festıvaldiń saltanatty jabylýynda qala ákiminiń orynbasary Eset Baıken baıqaýdyń ereksheligi elordanyń barlyq joǵary oqý oryndarynyń qatysýynda ekenin atap ótti. Onyń aıtýynsha, búginde Astananyń ýnıversıtetteri men kolledjderinde 62 myńnan astam stýdent oqıdy, jyl saıyn ózge qalalardan keletin talapkerlerdiń artýy baıqalady.

Baıqaý jeńimpazdarynyń biri Qazaq ulttyq óner ýnıversıtetiniń stýdenti Jantas Erkinuly boldy. Táýelsizdik taqyryby ony erekshe shabyttandyrǵan. Jas aqyn óz óleńinde Otanǵa degen súıispenshilik týraly aıtyp, qazaqstandyqtardy patrıotızmge shaqyrdy.

Sondaı-aq «Turan» ýnıversıtetiniń stýdenti Karına Mınıalo baıqaýǵa daıyndyǵy týraly estelikterimen bólisti.

«Biz»Ulttyq bı«nomınatsııasyna qatysyp, sheshen halqynyń bıin daıyndadyq. Kópshiliktiń esinde qalatyn óner kórsetkimiz keldi. Meniń oıymsha, bul baıqaý talanttardy ashýǵa kómektesedi. Árıne ekinshi oryn alǵanymyzǵa qatty qýanyp otyrmyz, - dedi»Iman«ansambliniń múshesi Karına Mınıaılo.

Foto: gov.kz