Jastar elimizdiń deńgeıin kóterýge atsalysýy kerek - Bıbigúl Tólegenova
ALMATY. QazAqparat- QR Halyq ártisi, Almatynyń qurmetti azamaty Bıbigúl Tólegenova referendýmda úıden daýys berdi, dep habarlaıdy QazAqparat tilshisi.
«Búgin úlken mereke - referendým kúni. Qazaqstandy men eń turaqty respýblıka dep sanaımyn. Jastarymyz jumys isteýi kerek, kúsh-jigerin memlekettiń ıgiligine jumsaýy tıis. Óıtkeni bizdiń ýaqytymyz ótip jatyr, al bizdiń orynymyzdy basatyn - jastar. Qazir biz tek damý úshin ǵana emes, basqa memlekettermen básekege túse alatyn úlken respýblıka mártebesine jetý úshin de jumys isteýge tıispiz. Jastar elimizdiń deńgeıin kóterýge atsalysýy kerek» - dedi Bıbigúl Tólegenova.
Buǵan deıin Almatynyń 2 548 turǵyny úıden daýys berýge ótinish bildirgenin jazǵan bolatynbyz.
Aıta keteıik, Almatyda jalpy halyqtyq referendýmda daýys berý 574 ýchaskede júrip jatyr.
Megapolıste 1,1 mln astam adam daýys berýge quqyly.
