Jastar el tizginin ustaýǵa daıyndalýy kerek – Qasym-Jomart Toqaev

NUR-SULTAN. QazAqparat – «Jastardyń memleket tizginin qolyna ustaýy úshin qoldan kelgenniń bárin jasaımyz». «Qazaqstannyń 100 jańa esimi» jobasynyń jeńimpazdarymen kezdesken Prezıdent Qasym-Jomart Toqaev osyndaı lebiz bildirdi, dep habarlaıdy QazAqparat tilshisi.

«Jalpy, jobanyń barlyq qatysýshylary men jeńimpazdary ózderiniń eń jaqsy qasıetterin kórsetti, kásibı jáne qoǵamdyq salada mańyzdy jetistikterge jetti. Sizderdiń tabystaryńyz Qazaqstannyń jetistigin beıneleıdi. Sizder belsendi patrıotızmniń úlgisi retinde barlyq qazaqstandyqtardy yntalandyrasyzdar. Sizderdiń sózderińiz kez-kelgen statıstıkaǵa qaraǵanda nanymdy. Sondaı-aq, bul tamasha joba sizderdiń barlyqtaryńyzǵa odan ári damý úshin eleýli serpin bergenine, qoǵam men el ıgiligi úshin jańa ıdeıalardy iske asyrý úshin keń kókjıekter ashqanyna senimdimin», - degen Memleket basshysy Qazaqstan úzdik jastarynyń kóptigimen maqtanýǵa tıis ekenin atady.

«Qazaqstannyń bolashaǵy sizderge – progressıvti, talantty, patrıot jastarǵa tıesili. Sizder memleketimizdiń tizginin alýǵa daıyndalýlaryńyz kerek. Biz bolsaq, osy oıdyń shyndyqqa aınalýy úshin qoldan kelgenniń bárin jasaımyz», - dedi Qasym-Jomart Toqaev.