Jastar daýys berýdegi jaýapkershilikti jaqsy sezinedi– Halyqaralyq Túrki akademııasynyń ókilderi

ASTANA. QazAqparat – Qazaqstan halqy bıylǵy saılaýdaǵy jaýapkershiligin jaqsy sezinip otyr. Bul pikirdi Halyqaralyq Túrki akademııasynyń ókilderi aıtty, dep habarlaıdy QazAqparat tilshisi.

«Tańerteńnen beri 10 saılaý ýchaskesinde boldym. Zań talaptaryn buzý derekteri baıqalmady. Jalpy, daýys berýge kelip jatqan saılaýshylar sany kóp ekenin aıtýǵa bolady. Tústen keıin de halyqtyń biraz bóligi saılaýǵa keledi dep sanaımyn. Saılaýǵa daıyndyq óte joǵary deńgeıde bolǵanyn kórip otyrmyz. Saılaý ýchaskesindegi komıssııa músheleri óz jumystaryn jaqsy atqaryp jatyr», - Halyqaralyq Túrki akademııasynyń vıtse-prezıdenti Erhan Tıýrbedar elordadaǵy Halyqaralyq baıqaýshylarǵa qolǵabys kórsetý ortalyǵynda ótken brıfıngide.

Óz kezeginde Halyqaralyq Túrki akademııasynyń aǵa sarapshysy Tımýr Kozyrev

«Tańerteń elordadaǵy Almaty aýdanyndaǵy saılaý ýchaskelerin araladyq. Tústen keıin Saryarqa aýdanyndaǵy ýchaskelerge baramyz. Daýys berý zań talaptaryna sáıkes ótip jatyr. Jastar jaǵy saılaýǵa jaqsy kelip jatqanyn baıqadyq. Atap aıtqanda, halyq saılaýǵa jaýapkershilikpen qarap otyr. Bul saılaý eldiń bolashaǵy úshin mańyzdy dep bilemin», - dedi T. Kozyrev.

Budan buryn habarlanǵandaı, búgin Qazaqstanda Májilis pen máslıhat depýtattaryn saılaý bastaldy.

Aıta keteıik, Kavkaz tarıhy ortalyǵynyń dırektory (Ázerbaıjan), baıqaýshy Rızvan Nadjaf oǵly Gýseınov Qazaqstandaǵy saılaý bıýlleteninde jazylǵan «bárine qarsymyn» baǵanyna qatysty pikir bildirdi.