Jastar dańqty babalarymyzdyń ónegeli ómirin mindetti túrde bilýi tıis - Elbasy
ASTANA. Naýryzdyń 19-y. QazAqparat /Ernur Aqanbaı/ - Jastar dańqty babalarymyzdyń ónegeli ómirin mindetti túrde bilýi tıis. Naýryz merekesine oraı búgin Astanada ótip jatqan «Naýryz nury» merekelik keshinde Elbasy Nursultan Nazarbaev osylaı aıtty,
dep habarlaıdy QazAqparat.
«El úshin jan aıamaǵan babalarymyz bizge taýsylmas dáýlet, sarqylmas mura qaldyrdy. Biz solardyń erlik jolyn jas urpaqtyń sanasynda berik uıalatýymyz qajet. Jastardy qazaqtyń shyqqan tegin, halyqtyń salt-dástúrin, dańqty babalardyń ónegeli ómirin mindetti túrde bilýge baýlýymyz qajet. Bul mindet meniń aldymda da, halyqtyń aldynda da tur», dedi saltanatty keshte N. Nazarbaev.
Elbasy urpaǵymyzdyń oıy ozyq, rýhy berik bolsa bul eldi eshkim jeńe almaıtynyn atap kórsetti.
