Jastar aýla tazalaýshylaryna ystyq shaı berip, qurmet kórsetti
ASTANA. QazAqparat - «Nur Otan» partııasy janyndaǵy «Jas Otan» jastar qanaty Astanada erekshe aktsııany qolǵa aldy, dep habarlaıdy QazAqparat.
«Bıyl Astana 20 jyldyq mereıtoıyn atap ótpek. Astana óziniń sýyq qysymen erekshelenedi. Jasotandyqtar Jańa 2018 jyldyń birinshi jumys kúnin qalanyń kommýnaldyq qyzmetkerlerine jylý syılaýmen - tegin shaı taratýmen bastady. Kúnniń sýyǵyna qaramastan tańsáriden jumysqa kirisetin aýla tazalaýshylaryna jastar erekshe iltıpat kórsetti. Osy oraıda jastar «Kel, sháı isheıik» mını-festi arqyly qala turǵyndaryn ózgelerdiń eńbegin baǵalaýǵa shaqyrady», delingen habarlamada.
«Qoǵamda sabaǵyn nashar oqyǵan bala óskende aýla tazalýshy bolady degen stereotıp qalyptasqan. Bizdiń maqsat - sol ustanymdy joqqa shyǵaryp, osy mamandyqtyń mańyzdylyǵyn kórsetý. Bul mamandyq ıeleriniń arasynda birimizge ana, birimizge qaryndas bolatyn áıelder de bar. Jolymyzda kezdesken qyzmetkerlerge izet tanytyp, amandasyp, qolymyzdan kelgenshe kómek kórsetýge shaqyramyn», - dedi «Jas Otan» tóraǵasy Danııar Súndetbaev.
Mını fest saǵat 11-de bastalyp, kúni boıy jalǵasty. Jasotandyqtar shaǵyn avtobýspen qalany aralap, baýyrsaq pen sháı taratty. Sondaı-aq, jastar elordanyń kommýnaldy qyzmetkerlerimen áńgimelesip, kómek qolyn sozdy.
Qar tazalap tońǵan qyzmetkerler, ystyq shaı iship jylynyp qalǵandaryn aıtyp, alǵystaryn bildirdi.
