Jastar arasyndaǵy jumyssyzdyq 4 esege azaıdy - B. Jumaǵulov

ASTANA. 20 qarasha. QazAqparat - 2001 jylmen salystyrǵanda jastardyń jumyssyzdyq deńgeıi 4 esege azaıyp, 3,8 paıyzdy qurap otyr.

Bul týraly búgin Úkimet otyrysynda QR Bilim jáne ǵylym mınıstri Baqytjan Jumaǵulov málim etti.

Mınıstr jastardy jumyspen qamtý máselesine toqtala kele, bul kórsetkish Eýropa men TMD elderinde shamamen 18 paıyzdan, al keıbir elderde 40 paıyzdan asatynyn jetkizdi.

«Bizdiń elimizde jastardy jumyspen qamtý máselesi «Jumyspen qamtý - 2020» baǵdarlamasy jáne basqa da áleýmettik mańyzy bar jobalar arqyly iske asady. Atap aıtqanda, «Jasyl el» jobasy. Oǵan 7 jyldyń ishinde 160 myńnan astam stýdent jáne jumyssyz jastar tartyldy»,-dedi B. Jumaǵulov.

«Dıplommen aýylǵa» jobasy boıynsha  jumysqa ornalasqan pedagogterdiń sany 1,8 esege, dárigerlerdiń sany 2,7 esege artqan. Al «Jastar saıasaty» jobasynyń arqasynda sońǵy 3 jyl ishinde 50 myńnan astam bitirýshi turaqty jumysqa ornalasty»,-deıdi mınıstr.