Jastar arasyndaǵy kóshbasshylyqty damytý baǵdarlamasyn ázirleý qajet - «Jarııa» klýby

ASTANA. 25 aqpan. QazAqparat /Arman Asqarov/ - Aldaǵy 3 jylda bizde jastar arasyndaǵy kóshbasshylyqty damytý baǵdarlamasy bolýy qajet.

Jańadan qurylǵan «Jarııa» jýrnalıster klýbynyń búgin elordada ótken alǵashqy otyrysynda klýb múshesi, jýrnalıst Serik Erǵalı osyndaı usynys jasady.

Onyń paıymdaýynsha, qoǵamdaǵy jastardyń saıası belsendiligin olardyń ishindegi kóshbasshylardyń sanymen anyqtaý qajet. «Bul kórsetkish ósse, bizdiń qoǵamymyzdyń damý deńgeıi de kóteriledi. Kóshbasshy degen uıym tóraǵasy, ıa bolmasa, otyrys moderatory emes. Ol naqty azamattyq ustanymy men saıası kózqarasy bar azamat bolýy shart. Menińshe, aldaǵy 3 jylda bizde jastar arasyndaǵy kóshbasshylyqty damytý baǵdarlamasy bolýy qajet. Onyń negizinde biz jastardyń barlyq ortalarynda azamattyq jáne saıası kóshbasshylyqty damytýymyz kerek», - deıdi S.Erǵalı.