Jastar arasyndaǵy Qazaqstan chempıony semeılik Tálimjan Toqtasynov bılıardtyń «Pýl-9» túrinen de el chempıony atandy
ALMATY. 16 mamyr. QazAqparat - Búgin Almatyda 1994 jylǵa deıingi jastar arasynda bılıardtyń «Pýl-9» túrinen HІ Qazaqstan chempıonaty ótti.
Oǵan Almaty, Baıqońyr, Qyzylorda, Qostanaı, Semeı, Temirtaý, Shymkent qalarynan 15 sportshy qatysty. Bul básekede almatylyq Abylaıhan Qaraneevten 6:3 esebimen basym túsken semeılik Tálimjan Toqtasynov el chempıony atandy. Qola júldeni qostanaılyq Mıhaıl Tochılkın meen almatylyq Jumabek Júnisbek bólisti.
Buǵan deıin 13-15 mamyr kúnderi «Qurastyrmaly pıramıdadan» ótken Qazaqstan chempıonatynda Tálimjan Toqtasynov altyn, pavlodarlyq Azamat Áýbákirov kúmis, 3-4 oryndy bólisken baıqońyrlyq Temirlan Kósherov pen temirtaýlyq Medet Tuıaqov qola medaldiń ıesi atanǵan bolatyn. Al 11-12 mamyrda «Erkin pıramıdan» bolǵan dál osyndaı dúbirli dodada M. Tuıaqov jeńimpaz bolyp, shymkenttik Arman Orazaly kúmis, Temirlan Kósherov pen óskemendik Dıas Ospanǵalıev qola júldeni ıelengen edi.
