Jastar arasyndaǵy bokstan álem chempıonaty: búgin 1/8 fınaldyń básekeleri ótedi
ASTANA. Sáýirdiń 29-y. QazAqparat - Sársenbi kúni Jastar arasyndaǵy bokstan álem chempıonaty barysynda Qazaqstan quramasynyń eki ókili jarys jolynan shyǵyp qaldy.
Buǵan deıin 48 kelide belarýstyq Vadzım Kırılenkomen qolǵap túıistirgen Ánýar Muzaparov 4:2 esebimen ese jiberse, dál sol kúni Nurlan Ábjanov ta qarsylasynan utylyp qaldy. N.Ábjanov alǵashqy kezdesýinde grenadalyq boksshy Andel Doýdendi birinshi raýnda-aq 44:2 esebimen oısyrata utqan bolatyn, dep habarlady Astana qalalyq týrızm, dene tárbıesi jáne sport basqarmasynyń baspasóz qyzmetinen.
Sársenbi kúni keshkisin bizdiń 60 jáne 64 keli salmaq dárejesindegi eki sportshymyz sharshy alańǵa shyqqan. Brazılııalyq Sılva Kostamen qolǵap túıistirgen Sabyrjan Baqbergenov 13:2 esebimen basym tússe, kelesi sportshymyz Meıirim Nursultanov úshin álem chempıonaty sátsiz aıaqtaldy. Ol vengrııalyq Bene Gergoǵa 1 upaı aıyrmashylyǵymen ese jiberdi.
Sáýirdiń 29-ynda 1/8 fınal básekeleri ótedi:
48 keli - Nurlan Ábjanov - Vıktor Barak (Izraıl)
57 keli - Darhan Jumsaqbaev - Elvın Isaev (Ázirbaıjan)
60 keli - Sabyrjan Bekbergenov - Tomas Vahrentholt (Germanııa)
69 keli - Jánibek Álimhanuly - Hýang ıAnhýl (Qytaı)
75 keli - Ádilet Raqyshev - Ilıas Savvıdıs (Grekııa)
+91 keli - Dáýlet Musabaev - Gasan Gımbatov (Reseı)
