Jastar arasyndaǵy Álem chempıonatynda qazaqstandyqtar «A» tobyna ótýge múmkindik beretin aqtyq týrdy Belarýs hokkeıshilerimen ótkizedi
ALMATY. 17 sáýir. QazAqparat - Búgin Vengrııanyń Sekeshfehervare qalasynda hokkeıden 18 jasqa deıingi jastar arasynda Álem chempıonatynyń Birinshi dıvızıonynyń «V» tobyndaǵy komandalardyń 5-týry ótedi.
Alǵashqy 4 týrdyń qorytyndysy boıynsha Belarýs pen Qazaqstan quramalary ǵana jeńilissiz kele jatyr. Endi olardyń arasyndaǵy aqtyq oıynda kelesi kelesi týrda «A» tobynda baq synaýǵa múmkindik beretin joldamanyń taǵdyry sheshiledi.
Eki komanda buǵan deıin qarsylastar qaqpasyna 22 shaıba engizgen bolatyn. Alaıda óz qaqpalaryna belarýster - 4, qazaqstandyqtar - 10 shaıba jiberip aldy. Vasılıı Vasılchenko jattyqtyratyn qazaqstandyqtar ýkraındardy 4:5, polıaktardy 7:1, avstrııalyqtardy 7:4, vengrlerdi 3:1 esebimen utty. Al belarýster qarsylastarynan 7:1, 5:1, 3:2 jáne 7:0 esebimen basym tústi.
