Jastar arasyndaǵy álem chempıonaty: Qazaqstandyq «qola» aldy
NUR-SULTAN. QazAqparat – Býdapeshtte ótip jatqan kúres túrlerinen jastar arasyndaǵy álem chempıonatynda Qazaqstan qorjyny taǵy bir medalmen tolyqty dep habarlaıdy Olympic.kz.
Grek-rım kúresinen 77 kelide beldesken Temirlan Shadýkaev týrnırdiń qola júldegeri atandy. Úshinshi oryn úshin ótken kúreste Temirlan grýzııalyq Beka Mamýkashvılıden basym tústi. Ol qarsylasyn 9:0 esebimen utqan.
130 kelidegi Mansur Shadýkaev qola medal úshin ótken kezdesýde armenııalyq Davıd Ovasapıanǵa qarsy shyǵyp, beldesý 5:5 esebimen teń aıaqtaldy. Sońǵy upaıdy armenııalyq balýan ıelengendikten, qola medal qarsylas enshisinde ketti.