Jastar arasyndaǵy ÁCh:Qazaqstandyq boksshy qola enshiledi
NUR-SULTAN. QazAqparat – Qazaqstandyq boksshy Aıdar Qadyrhan bokstan Dýbaıda (BAÁ) Jastar jáne jasóspirimder arasyndaǵy Azııa chempıonatynda ekinshi aıqasyn ótkizdi, dep habarlaıdy QazAqparat Sports.kz-ke silteme jasap.
Qadyrhan 48 kelige deıingi salmaq dárejesindegi jasóspirimder týrnıriniń (2005-2006 jj.) jartylaı fınalynda úndistandyq Rohıt Chamolımen kezdesip, sýdıalardyń sheshimimen jeńilip qaldy.
Osylaısha, Aıdar Qadyrhan jasóspirimder birinshiliginiń fınalyna shyǵa almaı, qola júldege ıe boldy.
Aıta keteıik, týrnır bastalǵanda Qadyrhan ózbekstandyq Abdýrasýl Abdýrasýlovty jeńgen edi.
Dýbaıda jasóspirimder týrnırimen qosa jastar arasyndaǵy jarys ta ótip jatyr. Munda da qazaqstandyq sportshylar barlyq salmaq dárejesinde básekege túsýde.
