Jastar arasynda ulttyq sport túrlerin damytý týraly semınar-konferentsııa ótedi
ALMATY. Qazannyń 28-i. QazAqparat /Erlik Erjanuly/ - Qazannyń 30-y kúni Shymkentte, Muhtar Áýezov atyndaǵy Ońtústik Qazaqstan memlekettik ýnıversıtetinde «Jastar arasynda ulttyq sport túrlerin damytý» degen taqyrypta semınar-konferentsııa ótedi,
dep habarlaıdy QazAqparat.
«Ony Týrızm jáne sport mınıstrliginiń Sport komıteti men «Esirtiksiz bolashaq» korporatıvtik qory birigip uıymdastyryp otyr. Maqsat - ulttyq sport túrlerin nasıhattaý. Oǵan elimizdiń ár túkpirinen mamandar qatysyp, ulttyq sport túrleriniń qazirgi jaı-kúıi men ony damytýdyń ózekti máselelerin talqylaıdy», deıdi uıymdastyrý komıtetiniń múshesi Іńkár Janazarova.
Bul semınar-konferentsııa aıasynda, sondaı-aq qazannyń 31 kúni 16-20 aralyǵyndaǵy jastar arasynda respýblıkalyq jarys ótpek. Bul týraly uıymdastyrýshylar aldyn ala elimizdiń 14 oblysy men respýblıkalyq mańyzy bar 2 qalasyna shaqyrý hattar jibergen edi. І. Janazarovanyń sózine qaraǵanda, qazir olardan ótinishter de kelip túsip jatyr.
