Jastar arasynda «Tarıhyńdy tany» jobasyn uıymdastyrý kerek – Bas múftı
«Rasynda, óskeleń urpaqtyń tarıhı sanasyna silkinis jasaýda Ulytaýdyń orny erekshe. Kópshilik qaýym bul jerge Joshy han, Alasha han, Dombaýyl kesenelerin, Han ordasy men Áýlıetaýdaı kıeli oryndardy kórý úshin arnaıy keledi. Túrkııa elinde oqýshylardyń jazǵy demalysynda júzege asatyn keremet joba bar. Mektep muǵalimderi jaz boıy mektep oqýshylarynyń Túrkııanyń tarıhı oryndaryna arnaıy saıahatyn uıymdastyrady», - dedi ol.
Bas múftıdiń atap ótýinshe, mundaı saıasat barysynda tarıhshylar óz eliniń arǵy-bergi tarıhyn jastarǵa táptishtep túsindirip, jetesine jetkizedi.
«Biz osy tájirıbeni alyp, óz elimizde jastar arasynda «Tarıhyńdy tany» jobasy aıasynda tarıhı tanymdyq sapar uıymdastyrýdy usynar edim. Kóp estigennen bir kórgen artyq demeı me?! Bul joba jas býyn ókilderiniń bilim kókjıegin keńeıtip qana qoımaı, olardyń boıyna ultjandylyq, otanshyldyq sezimderdi uıalatýǵa yqpal eter edi», - dedi Naýryzbaı Taǵanuly.
Qazaqstan musylmandary dinı basqarmasynyń málimetinshe, Jezqazǵan qalasynda «Ulytaý oblysynyń rýhanı damýy» taqyrybynda ótken respýblıkalyq ǵylymı-tájirıbelik konferentsııada zııaly qaýym ókilderi izgi qoǵam qurýǵa qajetti alǵysharttar jaıly oılarymen bólisken.
