Jastar arasynda genderlik teńdikti keńinen tanystyrý máselesi talqylandy - Astana
ASTANA. Jeltoqsannyń 23-i. QazAqparat /Dımash Syzdyqov/ - Elordada «Qazaqstan jastarynyń arasynda genderlik teńdikti keńinen tanystyrý» taqyrybyna arnalǵan «dóńgelek ústel» otyrysy ótip jatyr.
Jınalysty ashqan Bilim jáne ǵylym mınıstrligi Tárbıe jumystary jáne jastar saıasaty departamentiniń taldaý, monıtorıngileý jáne áleýmettik baǵdarlamalar basqarmasynyń bastyǵy Erlan Qarabalaev: «genderlik teńdik taqyryby, ásirese bul máseleni jastar arasynda keńinen tanystyrý, qazirgi tańda óte ózekti jáne mańyzdy», dep atap kórsetti.
Al BUU-nyń ıÝNIFEM qory ókildiginiń genderlik máseleler jónindegi keńesshisi Natalıa Aman hanym óz sózinde, «jastar arasynda genderlik teńdik máselesi az sóz bolatynyn, negizinen jalpy qoǵamdyq teńdik týraly másele kóteriletinin» aıtty. Onyń pikirinshe, orta mektepterde genderlik teńdik boıynsha oqý kýrstaryn engizý nemese osy másele keńinen talqylanatyn semınarlar, «dóńgelek ústel» otyrystaryn ótkizý kerek, sebebi «...bul másele jastar arasynda asa ótkir tur».
«Dóńgelek ústel» jumysyna halyqaralyq qurylymdardyń, áıelderdiń úkimettik emes uıymdarynyń, memlekettik organdar men jastar uıymdarynyń ókilderi qatysýda. Sharany ótkizýdegi maqsat - 2009 jyly jeltoqsannyń 10-ynda qol qoıylǵan «Qazaqstandaǵy erler men áıelderdiń teń quqyqtary týraly» QR Zańyn ári qaraı júzege asyrý, memlekettik jastar saıasatyna genderlik aspektilerdi engizý jónindegi usynys-keńester taldap jasaý.
