Jastar arasynda dzıýdodan el chempıondary anyqtaldy
ATYRAÝ. QazAqparat - Atyraýda dzıýdodan jastar arasynda Qazaqstan birinshiligi márege jetti, dep habarlaıdy QazAqparat tilshisi.
Qazaqstan dzıýdo federatsııasynan málim etkendeı, úsh kúnge sozylǵan jarysta Astana, Almaty, Shymkent qalalary men Qazaqstannyń 14 oblysynan 500-ge jýyq sportshy qatysty.
Chempıonat qorytyndysynda Almaty qalasynyń quramasy 4 altyn, 3 kúmis, 3 qola júldemen medal kestesinde kósh bastady.
Atyraý oblysynyń dzıýdoshylary 3 altyn, 2 kúmis jáne 2 qola júldemen ekinshi orynǵa jaıǵasty. 2 altyn, 1 kúmis, 7 qola júldeni ıelengen Shyǵys Qazaqstan oblysynyń jastar quramasy úzdik úshtikti túıindedi.
Jekeleı salmaqta qyzdar arasynda Qulym Sara (44 kg, Túrkistan oblysy), Ǵalııa Tynbaeva (48 kg, Almaty), Nursulý Erálıeva (52 kg, Almaty oblysy), Merýert Sársenova (57 kg, Almaty o.), Saera Myrzahmetova (63 kg, Almaty), Aqerke Qulash (70 kg, Shymkent), Margarıta Grıtsenko (-78 kg, Qostanaı), Aqerke Ramazanova (+78 kg, Almaty) chempıon atandy.
Jigitterden Ulyqbek Ábilqaıyr (55 kg, Atyraý), Bolat Bilál (60 kg, Jambyl), Ermek Amangeldi (66 kg, Atyraý), Aıbar Muqyshev (73 kg, ShQO), Shyntas Serikbolsyn (81 kg, Atyraý), Qýandyq Stampolov (90 kg, ShQO), Aıbek Іzteleýov (-100 kg, Almaty) jáne Bıbarys Ábdiǵanı (+100 kg, Túrkistan) jeńis tuǵyryna kóterildi.
