Jastar arasynda jıi kezdesetin ólim sebebi ataldy
ASTANA. KAZINFORM – Elimizde jastar arasynda (18-35 jas) ólimge jıi alyp keletin jaıttar anyqtaldy. Bul týarly Qazaqstandaǵy BUU (ıÝNISEF) balalar qorynyń jasóspirimder men jastardy damytý baǵdarlamasynyń úılestirýshisi Aıgúl Qadyrova málim etti.
«Ulttyq statıstıka bıýrosynyń 2022 jylǵy málimetteri boıynsha 10 men 34 jas aralyǵyndaǵy jastardyń óliminiń negizgi sebepteri anyqtaldy. Ol jazataıym oqıǵalar, ýlaný, jaraqat, kólik apattary jáne sýıtsıd. Bul rette 15 jastan 19 jasqa deıingi jasóspirimder arasynda sýıtsıd birinshi orynda tur. Onyń negizgi sebebi psıhıkalyq máselelermen baılanysty», - dedi Aıgúl Qadyrova Senatta ótken Úkimet saǵatynda.
Onyń aıtýynsha, joǵaryda atalǵan ólim sebepteri demografııaǵa aıtarlyqtaı áser etedi.
«Alaıda, jazataıym ólim-jitim tereńirek zertteýdi qajet etedi. Odan bólek, eńbekke qabilettilik – halyq sanynyń artýynyń basty sebepteriniń biri», - deıdi ol.
