Jastar Aqtaý kóshelerinde alyp kók týmen júrip ótti

ASTANA. QazAqparat - Táýelsizdik merekesine oraı Mańǵystaý jastary - Memlekettik týdy Aqtaý kóshelerimen alyp ótti, dep habarlaıdy QazAqparat.

«Aktsııada belsendi jastar uzyndyǵy 15 metr, eni 7 metr bolatyn memlekettik tý men uzyndyǵy 10 metr, eni 6 metr bolatyn Rýhanı jańǵyrý týyn alyp, Táýelsizdik kóshesi boıynyń «Máńgilik alaý» janynan  Aqbota saıabaǵyna deıin  sherýlep júrip ótti», dep habarlaıdy oblys ákiminiń baspasóz qyzmeti.

Sherýge óńirlik jastar uıymdarynyń jetekshileri, jastar birlestikteri men odaqtarynyń jetekshileri, jastar resýrstyq ortalyqtarynyń qyzmetkerleri, Mańǵystaý oblysy boıynsha UQK shekara qyzmeti «Jaǵalaý kúzeti» qyzmetiniń áskerıleri qatysty.

Shara Mańǵystaý juldyzdarynyń qatysýymen ótken kontsertpen aıaqtaldy.