Jasotandyqtar soǵys ardagerine kómek kórsetip, batasyn aldy

 QYZYLORDA. QazAqparat-«Jas Otan» jastar qanaty Qyzylorda oblystyq fılıalynyń belsendileri «Urpaqtar sabaqtastyǵy» aktsııasy aıasynda Qyzylorda qalasynyń turǵyny, Ekinshi dúnıejúzilik soǵysynyń ardageri Ydyrys Qalıevpen kezdesip, qart maıdangerge úı mańy tazalyǵyna kómektesti, dep habarlady QazAqparat HAA tilshisi.

   «Nur Otan» partııasy ardegerlerdi eshqashan nazardan tys qaldyrǵan emes. Partııanyń «Ardagerlerdi ardaqtaıyq» jobasy aıasynda jasotandyqtar men eriktilerden quralǵan túrli toptar  búgingi kúnge deıin barlyq ardagerlermen kezdesip, qoldan kelgenshe qamqorlyq jasap keledi»,- dedi «Jas Otan» JQ Qyzylorda qalalyq bólimshesiniń basshysy Talǵat Tiles.

    Bıyl Ydyrys Qalıev aqsaqal 92 jasty alqymdasa da qımyly shıraq. Jastarmen suhbattasý barysynda ardager jastarǵa jaqsy bilim alyp, eńbektený qajettigin basa aıtty. Sondaı-aq, jas urpaqty búgingi beıbitshilik pen toqshylyqty qadirleı bilýge shaqyryp, elimizge tynyshtyq, egemendigimizdiń máńgi bolýyn tiledi.

   Soǵys ardageri Ydyrys Qalıev otty jyldardan soń elge kelip, óńirimizdiń damýyna eleýli úles qosqan azamat. Maıdandaǵy erligi men qajyrly eńbeginiń arasynda Qyzylorda qalasynyń qurmetti azamaty. Qazaq KSR Joǵarǵy  Keńesiniń  eki márte depýtaty. Eńbegine saı «Otan soǵysy», eki ret «Eńbek Qyzyl Tý», «Qurmet belgisi» ordenderimen jáne túrli medaldarmen marapattalǵan.    

    Óz kezeginde «Jas Otan» JQ músheleri maıdangerge el úshin, keleshek jastar úshin jasaǵan eńbekterine úlken alǵys bildirdi. Keremet áńgimeden soń jasotandyqtar ardeger turyp jatqan úı aýlasyna tazalyq jumystaryn júrgizip, qarııanyń aq batasyn aldy.