Jasóspirimniń ólimine qatysty kúdiktilerdiń soty ashyq ótýi kerek – Marat Qojaev

ASTANA. KAZINFORM — Іshki ister mınıstriniń burynǵy birinshi orynbasary jáne jaqynda senator bolǵan Marat Qojaev Talǵar aýdanynda 16 jastaǵy jasóspirimdi óltirgen kúdiktiler sotyna qatysty pikir aıtty.  

Búgin Senattyń jalpy otyrysynan keıin tilshiler depýtattan atalǵan is boıynsha sot otyrysyn ashyq ári onlaın ótkizý týraly qoǵam talabyna qatysty pikirin surady.

Óz kezeginde M. Qojaev ashyq talqylaý sot sheshimine sáıkes bolatynyn aıtty.

«Qoǵam ashyq sot bolýyn talap etip otyr. Meniń oıymsha, qoǵamdaǵy kúrdeli máselelerdi ashyq túrde talqylaý kerek», - dedi senator.

Aıta keteıik, bıyl 4 qazan kúni Qazaqstan sýdıalarynyń sezinde QR Prezıdenti Qasym-Jomart Toqaev sotty onlaın ótkizýdiń utymdy jaqtaryn aıtty. 

Memleket basshysy bıyl sot otyrystary alǵash ret onlaın kórsetile bastaǵanyn, osyndaı tásilmen birneshe sot protsesi ótkenin eske saldy.

Budan buryn habarlanǵandaı, taıaýda Prezıdent Jarlyǵymen Marat Qojaev Qazaqstan Parlamenti Senatynyń depýtaty bolyp taǵaıyndaldy. Ol Іshki ister mınıstriniń birinshi orynbasary laýazymynan bosatyldy. 

Eske salaıyq, buǵan deıin 4 qazan kúni Talǵar qalasyndaǵy tóbelesten jasóspirim qaıtys bolǵanyn jazǵanbyz. 

Almaty oblysynyń Polıtsııa departamenti Talǵar qalasynda 16 jastaǵy jasópirimniń ólimine qatysy bar kúdiktilerdiń Qonaev qalasyna jetkizilgenin habarlady. 

Іshki ister mınıstri Talǵardaǵy jasóspirimniń ólimine qatysty isti baqylaýǵa aldy.