Jasóspirimder Olımpıadasy: otandyq veloshabandoz úzdik altylyqqa endi
ASTANA. KAZINFORM — Gleb Novıkov tasjoldaǵy velosporttan jasóspirimder Olımpıadasynda altynshy oryn aldy, dep habarlaıdy UOK baspasóz qyzmeti.
Tasjoldaǵy velosporttan Qazaqstan quramasynyń ókili Gleb Novıkov Dakarda (Senegal) ótip jatqan jasóspirimder Olımpıadasynda jekeleı ýaqytqa jarysta synǵa tústi.
Qazaqstandyq sportshy qashyqtyqty 10 mınýt 34.15 sekýndta júrip ótip, altynshy orynǵa turaqtady.
Tımoteı Mıhalık (Slovakııa) jarysta top jardy — 10:10.20. Italııalyq Lorentso Chekkarello ekinshi oryn aldy — 10:17.94. Al belgııalyq Daan Vılmsen úzdik úshtikti túıindedi — 10:20.39.
Aıta keteıik, buǵan deıin Ánel Táshbaı jasóspirimder Olımpıadasynda jetinshi oryn alǵany belgili boldy.