Jasóspirimder Olımpıadasy: Qazaqstan boksshylarynyń jartylaı fınaldaǵy qarsylasy anyqtaldy
ASTANA. KAZINFORM — Dakarda (Senegal) ótip jatqan jasóspirimder Olımpıadasynda bokstan jartylaı fınalǵa shyqqan sportshylardyń esimi belgili boldy.
QR UOK málimetinshe, bul kezeńde el namysyn úsh sportshy qorǵaıdy.
Shırek fınaldyq jekpe-jekterdiń qorytyndysy boıynsha Aqnur Tursynǵalı, Maral Tólepbergen jáne Bıbarys Áshirbaı jarysty jalǵastyrýǵa múmkindik aldy. Úsheýi de kem degende Olımpıadanyń qola medalin qamtamasyz etti.
Aqnur Tursynǵalı 57 kelige deıingi salmaqta Ýkraına ókili Evangelına Petrýkpen qolǵap túıistiredi. Maral Tólepbergen 54 kelige deıingi salmaqtyń jartylaı fınalynda ózbekstandyq Sabrına Chakomanovamen kezdesedi.
Erler arasynda Bıbarys Áshirbaı 70 kelige deıingi salmaqta meksıkalyq Horhe Lýıs Neblas Gýterrespen judyryqtasady.
Aıta keteıik, jartylaı fınal búgin, 11 qarashada ótedi. Kúndizgi sessııa Astana ýaqytymen 17:00-de bastalsa, keshki sessııa 22:00-ge josparlanǵan.
Batýttaǵy gımnastıkadan álem chempıonatyna baratyn quram belgili boldy.
