Jasóspirimder Azıadasy: aýyr atlet Nursyıla Berikbol qola júldege ıe boldy
ASTANA. KAZINFORM – Bahreınniń Manama qalasynda ótip jatqan jasóspirimder arasyndaǵy Azııa oıyndarynda qazaqstandyq aýyr atlet Nursyıla Berikbol qola júldeger atandy.
QR ÚOK málimetinshe, 58 kelige deıingi salmaq dárejesinde synǵa túsken sportshy julqa kóterýde tórtinshi nátıje kórsetse, serpe kóterýde úshinshi orynǵa ıe boldy.
Nursyıla úzdik múmkindiginde 101 kelini baǵyndyrdy.
Bul synda Ózbekstan ókili Mardjona Abdýmýtalova 111 kelini kóterip, jeńimpaz atandy. Al ekinshi oryn Qytaı sportshysy Chjan Sınıge buıyrdy - 110 keli.
Aıta keteıik, aýyr atletıkadan Qazaqstan quramasynyń ókili Álıhan Áskerbaı Bahreınniń Manama qalasynda ótip jatqan jasóspirimder arasyndaǵy Azııa oıyndarynda top jardy.
Qazaqstandyq aýyr atlet Beıbarys Erseıit Manama qalasynda (Bahreın) ótip jatqan jasóspirimder arasyndaǵy el qorjynyna eki júlde saldy.