Jasóspirimder arasyndaǵy janjal: komadaǵy oqýshy Astanaǵa jetkizilmek
ASTANA. KAZINFORM — Densaýlyq saqtaý mınıstri Aqmaral Álnazarova Jambyl oblysynda janjal saldarynan jansaqtaý bólimine túsken 9-synyp oqýshysynyń jaǵdaıyna qatysty pikir aıtty.
— Balanyń jaǵdaıy shyn máninde de aýyr. Qazir 14 jastaǵy bala komada, onyń ishinde medıkamentozdy komada jatyr. Balanyń jaǵdaıy tasymaldaýǵa eshbir jatpaıdy. Respýblıkalyq Ulttyq shuǵyl jaǵdaıdaǵy medıtsınalyq kómek kórsetý uıymy telemedıtsına arqyly tıisti konsýltatsııalardy berip, oqýshynyń jaǵdaıyn baqylap otyr, — dedi dedi Aqmaral Álnazarova Úkimet otyrysynan keıin tilshiler suraǵyna jaýap bere otyryp.
Onyń aıtýynsha, balanyń jaǵdaıy turaqtalǵannan keıin, Astanaǵa tıisti sanıtarlyq avıatsııa kúshterimen jetkizilmek.
Buǵan deıin habarlanǵandaı, Jambyl oblysynda basqa jasóspirimmen janjaldasqan 9-synyp oqýshysy jansaqtaý bólimine tústi. Polıtsııa qylmystyq is qozǵap, sondaı-aq oqıǵaǵa qatysty bopsalaý dereginiń bar-joǵyn tekserip jatyr.
