Jasóspirimniń ash túlkiden taýyǵyn qalaı qutqarǵany vıdeoǵa túsip qaldy

ASTANA. QazAqparat  - Ýelst qalasynda turatyn 15 jastaǵy Evan Devıske taýyqty izine túsken túlkiden qutqarý úshin emtıhanǵa daıyndyǵyn toqtatýyna týra keldi. 

Jantalasqan qus qorshaýdy aınala qashty. Eki-úsh ret jyrtqyshtyń tyrnaǵyna túsip te qala jazdady. Ár tistegen saıyn qaýyrsyndary burqyraı ushqan taýyq Evan Devıs bolmaǵanda túlkiniń jemtigine aınalýy yqtımal edi.  Bul oqıǵa Evannyń ákesi Karldyń tórt jaqtan qoıylǵan kamerasyna túsip qalǵan.  Onyń aıtýynsha, ýchaske qorshaýyna  elektr symdary júrgizilgen. Osy tosqaýyl da ash túlkiniń ishke kirýine bóget bola almaǵan kórinedi.