Jasóspirimderdiń túngi ýaqyttarda oıyn-saýyq oryndarynda júrýlerine tyıym salatyn qujat kúshine engeli 3 myń ata-ana ákimshilik jaýapqa tartylǵan
ASTANA. Sáýirdiń 16-sy. QazAqparat /Aıdar Ospanalıev/ - Jasóspirimderdiń túngi ýaqyttarda oıyn-saýyq oryndarynda júrýlerine tyıym salatyn qujat kúshine engeli ákimshilik jaýapqa 3 myń ata-ana tartylǵan.
Sonymen qatar 500 oıyn-saýyq oryndarynyń basshylary jazalanǵan. 8 myńnan astam jasóspirim qoǵamdyq oryndarda syra ishkenderi úshin jaýapqa tartyldy. Bul málimetterdi búgin Qazaqstan Respýblıkasynyń quqyq qorǵaý organdarynyń úılestirý keńesiniń kezekti otyrysynda Іshki ister mınıstrliginiń Ákimshilik polıtsııa komıtetiniń tóraǵasy Murat Qabdenov málim etti, dep habarlaıdy QazAqparat.
Onyń derekterine qaraǵanda, kámeletke tolmaǵandarǵa temeki ónimderin satqany úshin 1 myńnan astam jeke kásipker ákimshilik jaýapqa tartylypty. Taǵy 900 adam jasóspirimderge spırttik ishimdikter satqandary úshin jazalanǵan. «Buǵan qosa tártip saqshylary quzyrly organ ókilderimen birlese otyryp, kompıýterlik klýbtarǵa
3 myńnan astam reıd sharalaryn uıymdastyrdy. Onyń barysynda túngi ýaqytta qydyryp júrgen 1 myń jasóspirim ustaldy. Reıd jumystarynyń nátıjeleri boıynsha balalaryn túngi ýaqytta kompıýterlik klýbtarǵa jibergen 674 ata-ana men 150 kompıýterlik klýb pen ınternet-kafelerdiń ıeleri ákimshilik jaýapqa tartyldy. Sondaı-aq osy baǵyttaǵy jumystar barysynda kompıýterlik klýbtarda sabaq ótip jatqan ýaqytta júrgen 300-ge jýyq oqýshy ustaldy. Osy oryndarda jasóspirimder tarapynan 17 qylmys jasaldy», dedi komıtet tóraǵasy.
