Jasóspirimderdi qutqarǵan óskemendik «belgisiz batyr» bolyp qalýdy qalady
ASTANA. QazAqparat - Óskemende er adam eki jasóspirimdi órtten aman alyp shyqty, dep habarlaıdy «QazAqparat» HAA Altaynews.kzsaıtyna silteme jasap.
Tótenshe jaǵdaılar qyzmeti qala turǵynynyń batyl is-áreketi týraly kezdeısoq bilgen. Aqpannyń 3-inen 4-ine qaraǵan túni Ertis kóshesiniń boıyndaǵy jer úılerdiń birinde órt shyqqan. Qutqarýshylar oqıǵa ornyna jetken kezde úıdiń shatyry túgelimen otqa oranyp jatty. 25 sharshy aýmaqty sharpyǵan jalyn jarty saǵattyń ishinde aýyzdyqtaldy.
Keıin oqıǵaǵa kýá bolǵandar belgisiz er adam ysty gazǵa ýlanǵan 2003 jáne 2002 jyly týǵan eki jasóspirimdi úıden alyp shyqqanyn aıtqan. Olardy qutqarǵan Igor esimdi kórshileri bolyp shyqty. Ol balalardy úıden kóterip alyp shyǵyp, jedel járdem dárigerlerine tapsyrǵan.
Tergeýdiń aldyn ala nusqasy boıynsha, masaıyp alǵan eki dos týystarynan úıdiń kiltin urlap alǵan. Іshimdik ishýlerin sonda jalǵastyrǵan olar órttiń shyǵýyna sebep bolǵan. Eger kórshileri bolmasa ekeýiniń aman qalýy eki-talaı edi. Biraq Igor óziniń áreketin erlikke balamaıdy.
«Men qutqarýshy emespin ǵoı - muny jasaýǵa tıis edim. Bul týraly ózgelerge aıtyp, maqtanýdy jón sanamaımyn», - dedi ol óziniń tegin atamaýdy ótinip.
