Jasóspirimder tarapynan jasalatyn qylmystardyń jaz mezgiline qaraı arta túsetini ras - Іshki ister mınıstri
ASTANA. Sáýirdiń 16-sy. QazAqparat /Aıdar Ospanalıev/ - «Jasóspirimder tarapynan jasalatyn qylmystar sany jaz mezgiline qaraı birshama óse túsedi», dedi Іshki ister mınıstri Serik Baımaǵambetov.
Bul týraly ol búgin Qazaqstan Respýblıkasynyń quqyq qorǵaý organdarynyń úılestirý keńesiniń kezekti otyrysynda málim etti, dep habarlaıdy QazAqparat.
Onyń sózine qaraǵanda, jaz mezgilinde balalar kóbine ata-analarynyń nazarynan tys bolady jáne osy mezgilde olardyń bos ýaqyttary da kóp. Al ony tıimdi paıdalana almaǵan jasóspirimder quqyqbuzýshylyqtarǵa boı aldyrady. «Bul máseleni Elbasy da birneshe márte aıtqan bolatyn», dedi mınıstr.
Sonymen qatar sóz arasynda mektepterdegi ınspektorlardyń da qyzmetine toqtala ketken ol «Mektep ısnpektorlary elde jańadan qolǵa alyna bastaǵan jáne endi ǵana qalyptasyp kele jatqan ınstıtýt. Búginde Astana men Almaty qalalaryndaǵy mektepter osyndaı ınspektorlarmen tolyq qamtylǵan. Atalmysh ınspektorlardyń qyzmetiniń tıimdiligi kúmánsiz», dedi S.Baımaǵambetov.
