Jasóspirimder sportyndaǵy kemshilikterdiń ornyn toltyrý kerek - B. Jumaǵulov
ASTANA. 4 jeltoqsan. QazAqparat - Jasóspirimder sportyndaǵy kemshilikterdiń ornyn toltyrý kerek. Búgin Úkimet otyrysynda 2017 jylǵy 28-shi qysqy Búkilálemdik ýnıversıadaǵa daıyndyq boıynsha baıandama jasaý kezinde Bilim jáne ǵylym mınıstri Baqytjan Jumaǵulov osylaı aıtty.
Onyń sózine qaraǵanda, elimizdegi aldaǵy ýnıversıada oıyndarynda bolatyn barlyq sport túrleri damýda. Bul jumyspen 12 aımaqta 61 myń adam júıeli túrde aınalysýda. Biraq, ýnıversıadaǵa tolyq daıyndalý úshin oqýshylar men jastardyń dene shynyqtyrý jáne sport deńgeıin kóterý qajet.
«ıAǵnı, elimizdiń namysyn qorǵaıtyn jas sportshylardy daıyndaý kerek. Óıtkeni 8 synyp oqýshylarynyń osy ýnıversıadaǵa qatysý múmkindigi bar. 90-shy jyldary jasóspirimder sportyna jetkilikti kóńil bólinbedi. Endi bul kemshiliktiń ornyn toltyrý kerek»,-dedi mınıstr.
Onyń aıtýynsha, oqýshylar men stýdentterdi oqý ornyndaǵy sektsııalarmen kóbirek qamtý shart. Búginde jalpy bilim beretin mektepterdiń 36 paıyzynda qysqy sport túrlerimen aınalysýǵa jaǵdaı jasalǵan. Mysaly, oqýshylardyń 25 paıyzynda shańǵy sportymen aınalysýǵa múmkindik bar. Orta bilim berý uıymdarynda sporttyq sektsııamen qamtylǵan oqýshylardyń úlesi 22,5 paıyzǵa jetti.
«Bul kórsetkish ósip keledi»,-dep túıdi vedomstvo basshysy.
