Jasóspirimder Olımpıadasyna jeńil atletterden kimder qatysady

ASTANA. QazAqparat - Bıyl Argentınanyń Býenos-Aıres qalasynda jasóspirimder arasynda Olımpıada oıyndary ótedi, dep habarlaıdy QazAqparat tilshisi.

QR Jeńil atletıka federatsııasynyń habarlaýynsha, Jasóspirimder Olımpıadasy bıyl úshinshi ret uıymdastyrylǵaly otyr. Jarys 6-18 qazan aralyǵyna josparlanǵan.

Olımpıada baǵdarlamasynda jeńil atletıka saıystary da bar. «Sport padıshasynyń» jas ókilderi 11-17 qazan aralyǵynda synǵa túsedi. Onda jalpy sany 36 medal jıyntyǵy sarapqa salynady (18-i - uldar, 18-i - qyzdar arasynda). Jasóspirimder Olımpıadasyna 2001-2002 jyly týǵan sportshylar qatysa alady.

Halyqaralyq Olımpıada komıtetiniń málimetinshe, jalpy 680 jeńil atlet irikteýden ótken (340 ul, 340 qyz). Іrikteý kezeńderi eki satydan ótkizildi. Birinshi kezeńdegi joldamany Halyqaralyq jeńil atletıka federatsııalary qaýymdastyǵy anyqtady. ıAǵnı árbir saıys boıynsha aımaqtyq kvotolar berildi. 

Negizinen 2013, 2015, 2017 jyldary ótken jasóspirimder arasyndaǵy álem chempıonatynyń nátıjeleri eskerildi. Sosyn árbir qurlyqta irikteý kezeńderi ótkizildi. Azııa aımaǵynda mundaı irikteýdi Bangkok qalasy qabyldady. 

4-5 shilde aralyǵynda Taılandtaǵy irikteýde 3 qazaqstandyq joldama jeńip aldy. Olar: Efım Tarasov (400 metrge júgirý), Aleksandra Zalıýbovskaıa (400 metrge júgirý), Anastasııa Glýhareva (úsh qarǵyp sekirý). Odan bólek, Galına Panasenko (2000 metrge kedergiler arqyly júgirý), Krıstına Morozova (5 shaqyrymǵa sporttyq júris) bar.