Jasóspirimder olımpıadasy: Talǵat Shaıken kúmis júldeger atandy

ASTANA. QazAqparat - Býenos-Aıreste ótip jatqan Jasóspirimder olımpıadasynda qazaqstandyq boksshy Talǵat Shaıken 64 kg salmaqta reseılik Ilıa Popovpen kúsh synasty, dep habarlaıdy QazAqparat tilshisi. 

Birinshi raýndta boksshylar birin-biri barlap baqqanymen, ekinshisinde Talǵattyń soqqylary kóbirek darydy. Úshinshi, sheshýshi raýndta da sportshylar baryn saldy. Áıtse de tóreshiler 4:1 esebimen jeńisti reseılik boksshynyń qanjyǵasyna baılap berdi. Tóreshiler baǵasyna Talǵat Shaıken rıza emestigin kórsetip jatty.

Budan buryn asa aýyr salmaqta Jasóspirimder olımpıadasynyń ashylý saltanatynda Qazaqstan týyn kóterip shyqqan Damır Toıbaı reseılik Alekseı Dronovqa ese jiberip qoıǵan edi.

Eske sala keteıik, budan buryn Damır Toıbaıdyń +91 kg salmaqta kúmis júldeger atanǵanyn, sodan keıin Aıbek Oralbaıdyń (91 kg) altyn, Nadejda Rıabetstiń (75 kg) qola medal alǵanyn jazǵan bolatynbyz.

Osylaısha bokstan Qazaqstan quramasy Jasóspirimder olımpıadasynda 1 altyn, 2 kúmis, 1 qola medalǵa ıe boldy.