Jasóspirimder Olımpıadasy: Qazaqstandyq dzıýdoshylar altyn, kúmis medal ıelendi
ASTANA.QazAqparat - Qazaqstandyq dzıýdoshylar Margarıta Grıtsenko men Bekarys Sádýaqas Býenos-Aırestegi jasóspirimder Olımpıada oıyndarynda el qorjynyna alǵashqy júldelerdi saldy, dep habarlaıdy QazAqparat.
QR Ulttyq Olımpıadalyq komıtetiniń habarlaýynsha, Bekarys Sádýaqas erler arasynda 100 kelige deıingi salmaq dárejesinde qarsylas shaq keltirmeı, olımpıada chempıony atandy.
Al áıelder arasynda 78 kelige deıingi salmaq dárejesinde Margarıta Grıtsenko sheshýshi kezdesýde nemis dzıýdoshysy Rafaella Igldan jeńilip, kúmis medaldi mise tutty.
Aıta keteıik, Bıylǵy jasóspirimder Olımpıadasynda 58 qazaqstandyq sportshy sporttyń 22 túrinen baq synap jatyr.
FOTO: Salı Sabırov. QR UOK baspasóz qyzmeti
