Jasóspirimder olımpıadasy: Qazaqstandyq aýyr atletshiler 4 lıtsenzııa ıelendi
ASTANA. QazAqparat - Qazaqstandyq aýyr atletshiler Jasóspirimder olımpıadasy oıynyna 4 lıtsenzııa ıelendi. Bul týraly QR Aýyr atletıka federatsııasynyń baspasóz qyzmetinen habarlady.
«Eń kóp lıtsenzııany tórt el, atap aıtqanda, Qazaqstan, Reseı, Rýmynııa jáne Meksıka enshiledi. Jasóspirimder olımpıadasy oıynynan joldama utyp alǵan elderdiń tizimi Halyqaralyq aýyr atletıka federatsııasynyń saıtynda jarııalandy. Aýyr atletıkadan ótetin jarystarǵa 64 elden 110 sportshy qatysady», - delingen habarlamada.
Qazaqstan Aýyr atletıka federatsııasynyń aqparatyna qaraǵanda, bul baıraqty básekede elimizdiń namysyn 4 sportshy qorǵaıdy.
Aıta keteıik, Jasóspirimder olımpıadasy oıyny 16-28 shilde kúnderi Qytaıdyń Nankın qalasynda ótedi. Bul sporttyq sharaǵa álemniń 204 elinen 3808 sportshy qatysady. Olar sporttyń 28 túrinen baq synaıtyn bolady.
