Jasóspirimder olımpıadasy: Qazaqstan 14- orynda tur
Dál búgingi medaldar sany boıynsha Qazaqstan quramasy jalpy esepte 4 altyn, 2 kúmis, 2 qola medalmen 14-shi orynda tur.
Al, kósh tizginin 27 altyn, 16 kúmis, 12 qola medal enshilegen reseılikter ustap tur. Ekinshi orynǵa 18 altyn, 9 kúmis, 9 qola medalmen qytaı sportshylary jaıǵassa, úzdik úshtikte 15 altyn, 8 kúmis, 12 qola medalmen Japonııa eliniń ókilderi kele jatyr.
Búgin jarystyń sońǵy kúni Qazaqstannan el namysyn eki sportshy qorǵaıdy. Onyń biri altynnan basty úmitker boksshy Talǵat Shaıken. 64 keli salmaqta fınalǵa shyqqan boksshymyz búgin saǵat 23.15 shamasynda reseılik Ilıa Popovpen altyn medal úshin jekpe-jekke shyǵady. Eger, otandasymyzǵa altyn medal buıyryp jatsa, jalpy eseptegi jaǵdaıymyz jaqsara túsýi bek múmkin. Sebebi, bizdiń aldymyzda turǵan Avstralııa men Kolýmbııa eliniń sportshylary jeńip alǵan altyn medaldar sany bizdiń sportshylardikimen birdeı.
Sonymen qatar, búgin karateshi Áblmansur Batyrǵalı da jarys jolyna shyǵady. 68 kelige deıingi salmaqta baq synaıtyn otandasymyz da júldeli oryndardan kórinip qalýy bek múmkin. Batyrǵalı búgin jarys jolyna Astana ýaqyty 18.00 shamasynda shyǵady.
Eske salsaq, Baıraqty dodada el namysyn 58 sportshy qorǵaýda.
