Jasóspirimder olımpıadasy: Damır Toıbaı kúmis júldeger atandy
Bokstan eń bedeldi salmaq bolyp esepteletin +91 kg salmaqta D.Toıbaı reseılik Alekseı Dronovpen judyryqtasty.
Alǵashqy eki kezeńde reseılik sportshy ábjildeý qımyldasa, úshinshi raýndta qazaqstandyq boksshynyń soqqylary kóbirek tıgendeı boldy.
Tóreshilerdiń sheshimimen jeńis A.Dronovqa berildi.
Budan buryn Vengrııada jastar arasynda ótken álem chempıonatynda da A.Dronov basymdylyq kórsetken edi.
Eske sala keteıik, budan buryn úsh birdeı qazaqstandyq boksshynyń fınalǵa shyqqanyn jazǵan bolatynbyz.
Fınalda saǵat 05.00 shamasynda taǵy bir qazaqstandyq Aıbek Oralbaı 91 kg salmaqta aljırlik Mohammed Amın Hasıdpen altyn úshin talasady.
Sodan keıin saǵat 05.15-te 75 kg salmaqta Nadejda Rıabets taǵy bir aljırlik Ichrak Chaıbpen qola júldeni sarapqa salady. Al Talǵat Shaıkenniń sońǵy jekpe-jegi 18 qazan kúni saǵat 23.15-te bastalady.