Jasóspirimder olımpıadasy -2014: Tórt kezdesýde de jeńiliske ushyradyq
ASTANA. 6 sáýir. QazAqparat - 2014 jyly Qytaıdyń Nankın qalasynda ІІ jasóspirimderdiń jazǵy olımpıadasy ótedi.
Bıyl sol olımpıadaǵa irikteý jyly. Qazir Qazaqstan sportshylary bul olımpıadaǵa lıtsenzııa taratar jarystarǵa qatysýdy bastap ketti.
Búginde Sıngapýrde kógal hokkeıinen uldar arasynda olımpıadaǵa irikteý jarysy ótip jatyr. Bul jarysqa Qazaqstan quramasy da qatysýda.
Ókinishke oraı, uldarymyz toptaǵy tórt kezdesýde de jeńiliske ushyrap, joldama alý jaǵdaıyn qıyndatyp aldy. Jalpy, olımpıadaǵa tek bir joldama ǵana beriledi, dep habarlaıdy «Alaman».
