Jasóspirimder Olımpıadalyq oıyndary-2014 jáne 7-shi qysqy Azııa oıyndary - birge
ASTANA. Tamyzdyń 20-sy. QazAqparat - Almatyda jeksenbi kúni halyqaralyq «Nandjın-Almaty-Astana-Máskeý-Batys Eýropa» avtokerýeni jolǵa shyqty. Ol 2014 jylǵy Jasóspirmder Olımpıadalyq oıyndaryn jáne 2011 jylǵy 7-shi qysqy Azııa oıyndary ıdeıalaryn nasıhattaýǵa arnalǵan, dep habarlady Azıada-2011 atqarýshy dırektsııasynyń baspasóz qyzmeti.
Tamyzdyń 21-inde 8 mashınadan turatyn avtokerýen Qazaqstan elordasy - Astanaǵa keledi, «Astana-Arena» stadıonynyń aldyna 2011 jylǵy 7-i qysqy Azııa oıyndaryna qansha kún qalǵanyn esepteıtin tablo janynda olardy úlken delegatsııa qarsy alady. Avtojoryqtyń barlyq 33 qatysýshysy - qytaılyq Nandjın qalasyndaǵy «Halyqaralyq baılanystar boıynsha mádenıetti damytý qoǵamdyq qorynyń» ókilderi. Onda 2014 jyly Jasóspirimder Olımpıadalyq oıyndary ótedi. Qytaı delegatsııasyn Qor jetekshisi Jang Pıng basqarýda.
Uıymdastyrýshylardyń biri, «Saffat capital group» JShS dırektory Janar Álimbekovanyń aıtýynsha, áýelde avtokerýen basqa jolmen Mońǵolııa arqyly tikeleı Reseıge ótpek bolǵan. Qytaılyq áriptester Jastar Olımpıada oıyndarymen birge Aq Olımpıadany da nasıhattaý ıdeıasyn qoldady. Endi avtokerýen ústimen ótken jerlerdiń bárinde de Azıada jóninde elder men adamdar kóbirek biletin bolady.
Sóıtip, avtokerýen 6 kún boıy Almaty, Balqash, Astana jáne Qostanaı qalalary arqyly júrip ótip, Reseıge ótedi, jolda birneshe qalalarda bolyp RF astanasy - Máskeýge jetedi. Odan ári sapar Batys Eýropaǵa bet alady. Olar Fınlıandııa, Gollandııa, Shvetsııa, Danııa, Germanııa, Nıderlandy, Frantsııa, Shveıtsarııa, Italııa arqyly Olımpıadalyq oıyndar otany - Grekııaǵa taban tireıdi.
Avtokerýenmen kezdesýdiń uıymdastyrýshylary - «2011 jylǵy 7-shi qysqy Azııa oıyndary uıymdastyrý komıtetiniń atqarýshy dırektsııasy» AQ jáne Azıada-2011 estafeta alaýy dırektsııasy.
