Jasóspirimder mingen avtobýs shyńyraýǵa qulap, jeteýi qaza tapty
ASTANA. QazAqparat - Perýdiń soltústiginde jasóspirimder komandasyn ákele jatqan avtobýs shyńyraýǵa qulady, saldarynan jeti adam qaza bolyp, taǵy 11 adam jaraqat alǵan. Bul týraly eldiń densaýlyq saqtaý mınıstri Sılvııa Pessah málim etti, dep habarlaıdy Canal N telearnasy.
Oqıǵa jeksenbi kúni Amasonas aımaǵyna kiretin Chachapoıas qalasynyń mańynda bolǵan. Jergilikti BAQ-tyń habarlaýynsha, júrgizýshisi rýlge ıe bola almaı, avtobýs shyńyraýǵa qulaǵan.
«7 jasóspirim qaza boldy. Týystary múrdelerin tanydy», - dep málimdedi mınıstr.
«Zardap shekken 11 adamnyń ony - 13-14 jastaǵy balalar, sondaı-aq bir áıel jaraqattanǵan», - dep qosty Pessah. Olardyń barlyǵy aýrýhanaǵa jetkizildi.
