Jasóspirimder men kadetter arasyndaǵy Álem chempıonattarynda qazaqstandyq kıkboksshylar jalpykomandalyq esepte 56 eldiń ishinde 9-shy oryn aldy
ALMATY. Qyrkúıektiń 28-i. QazAqparat /Erlik Erjanuly/ - Serbııanyń Belgrad qalasynda qyrkúıektiń 19-26 kúnderi kıkboksıngten jasóspirimder arasynda VIII jáne kadetter arasynda IV Álem chempıonattary ótti. Onda qazaqstandyq sportshylar 4 altyn, 5 kúmis jáne 8 qola júldege ıe boldy, dep habarlaıdy QazAqparat.
Bul baıraqty básekege 56 elden 1800-den astam sportshy qatysqan bolatyn. Onda el namysyn qorǵaǵan ulttyq quramadaǵy 23 kıkboksshynyń 17-si júldege ıe boldy. Fýl-kontakt bóliminde 54 kıláda Álem chempıony ataǵyn aqtyq synda qazaqstandyqtar ózara sarapqa salǵan bolatyn. Rýslan Baıazıtov pen Bekzat Ómirzaqovtyń arasyndaǵy bul saıysta Rýslan altyn medaldiń ıegeri boldy. El qorjynyna túsken ekinshi altyndy 63,5 kıláli salmaqta reseılik Asylhan Mýldobtsevti jeńgen Arslan Maıshybaev saldy. Ózge 2 altyn medal loý-kık bóliminde Nýrbek Týrdıev (60 kg), K-1 bóliminde Bahadúr Súleımanovtyń (57 kg) enshisine jazyldy. Álem birinshiliginiń kúmis júldelerin fýl-kontakt bóliminde Aıadil Balǵazarov (51 kg), Ahmet Nobıev (57 kg), loý-kık bóliminde Rýslan Seksenbaev (63,5 kg) men Aset Jum (67 kg) ıelendi. Al qurama qorjynyndaǵy qola júldelerdi Shyńǵys Syzdyqov (54 kg), Jarǵasbaı Ábshekenov (75 kg), Rýslan Maıshaev (63 kg), Sapar Tumanov (71 kg), Muhamed Masaqbaev (81 kg) jáne qyzdar arasynda kúsh synasqan Marjan Álimovalpy alǵanda, a (52 kg) men Aıdana Tórehanova (56 kg) saldy. Sonyń nátıjesinde jalpy komandalyq esepte 4 altyn, 5 kúmis jáne 8 qola júldemen Qazaqstan quramasy 56 eldiń ishinen 9-shy oryn aldy. Al Álem chempıonatynyń úzdik úshtigin Reseı men Vengrııany alǵa ozdyrǵan, Italııa sportshylary túıindedi.
