Jasóspirimder kóp uıyqtaýy kerek
ASTANA. 4 qazan. QazAqparat - Balalardyń kóp uıyqtaýynan qaýiptenbegen jón. Pıttsbýrg ýnıversıtetiniń ǵalymdary uzaq uıqynyń jas aǵzanyń ınsýlındik tózimdiligin arttyryp, sýsamyr dertinen qorǵaıtynyn anyqtady.
Bul týraly Alash aınasy jazyp otyr.
The Indian Express basylymynyń habarlaýynsha, ǵalymdar joǵary synypta oqıtyn 245 oqýshynyń uıyqtaý uzaqtyǵy men rezıstenttilik (ınsýlınniń bógde zattarǵa qarsy turýy) kórsetkishin zerttegen. Apta boıy jasóspirimderden qan úlgileri alynyp, taldaý jasaldy. Uıqy rejımine qatysty arnaıy kúndelik júrgizildi. Zertteýdiń nátıjesinde uıqysy qanbaı júrgen balalardyń uıyqtaý ýaqytyn bir-eki saǵatqa ulǵaıtýy aǵzadaǵy ınsýlındik beriktikti 9%-ǵa arttyratyny anyqtaldy. Ǵalym Karen Mettıýzdiń aıtýynsha, aǵza rezıstenttiligi kórsetkishiniń artýy adamdy erte jastan sýsamyr aýrýynan qorǵaýǵa múmkindik beredi.
