Jasóspirimder arasyndaǵy shahmat chempıonatyna alǵash ret 1 myńnan asa bala qatysty
Ol bul jaıynda Facebook paraqshasynda jazdy.
«Búgin Qazaqstannyń jasóspirimder arasyndaǵy chempıonaty óz máresine jetti. Alǵash ret týrnır elimizdiń búkil óńiriniń ókilderin jınady, al qatysýshylardyń jalpy sany 1000 adamnan asty. Osy kúnderi biz jastar men eń jas shahmatshylardyń jarystaryn baqylap otyrdyq», - deıdi Tımýr Týrlov.
Onyń aıtýynsha, qatysýshylardyń kópshiligi úshin bul - jarysqa qatysýdaǵy alǵashqy úlken tájirıbe, al basqalar úshin - álemdik birinshilikke joldama alý múmkindigi.
Qatysýshynyń árqaısysy - nátıjesine qaramastan erkindik, qajymas qaırat pen tabandylyq tanytqan jeńimpaz.
«Biz bul qasıetterdi óskeleń urpaqtyń boıyna sińirýimiz qajet, sebebi olar merıtokratııa men zııatker urpaqtyń negizinde jatyr. Dál osy sebepti biz shahmat daryndaryna barlyq qajetti resýrsty salyp, olarǵa qoldaý kórsetýge nıettimiz. Jeńimpazdarymyz ben júldegerlerimizdi taǵy bir márte quttyqtap, olardyń bapkerlerine jáne ata-analaryna orasan zor eńbekteri úshin alǵys bildirgim keledi. Uıymdastyrý komıtetine súıikti isine degen adaldyǵy, jumysyn tolyq berilip istegeni jáne osy ıgi oıynǵa degen shynaıy mahabbaty úshin arnaıy alǵys sóz bildiremin», - dep atap ótti shahmat federatsııasynyń prezıdenti.
Eske sala keteıik, 7 sáýir men 1 mamyr aralyǵynda Astanada shahmattan álem chempıonaty ótedi.
