Jasóspirimder arasyndaǵy І Qysqy Olımpıada oıyndary qazaqstandyq hokkeıshiler úshin sátsiz bastaldy
ALMATY. 14 qańtar. QazAqparat /Erlik Erjanuly/ - Búgin Avstrııanyń Insbrýk qalasynda bastalǵan jasóspirimder arasyndaǵy І Qysqy Olımpıada oıyndarynda qazaqstandyq hokkeıshi qyzdar alǵashqy oıynyn ótkizdi.
Jarys qojaıyndarymen ótken bul oıyn 1:8 esebimen qarsylastardyń paıdasyna sheshildi.Qazaqstan quramasy kelesi oıyndaryn endi 15 qańtarda - Shvetsııa, 17 qańtarda - Slovakııa, al 17 qańtar kúni Germanııa sportshylarymen ótkizedi.
Jalpy,13-22 qańtar kúnderi 14-18 jas aralyǵynda jasóspirimder arasynda ótetin bul dúbiril dodanyń baǵdarlamasyna taý shańǵysy, bobsleı, kerlıng, konkımen júgirý, shańǵy qossaıysy, shańǵy jarysy, frıstaıl, tuǵyrdan shańǵymen sekirý, shanamen jarysý, mánerlep syrǵanaý, snoýbordıng, skeleton, short-trek, hokkeı sııaqty sporttyń 15 túri enip otyr. Onda barlyǵy 63 medal jıyntyǵy sarapqa salynbaq. Qazaqstan bul básekege sporttyń 10 túri boıynsha 36 sportshy qosyp otyr.
