Jasóspirimder arasyndaǵy Azııa chempıonatynda qazaqstandyq boksshylar 7 altyn medal jeńip aldy
ASTANA. 22 sáýir. QazAqparat - Shymkent qalasynda 21 sáýirde máresine jetken jasóspirimder arasyndaǵy (1997-1998 jyly týylǵandar) Azııa chempıonatynda qazaqstandyq boksshylar 7 altyn medal jeńip alyp, jalpykomandalyq esepte 1-orynǵa turaqtady. Bul týraly Qazaqstan boks federatsııasynyń baspasóz qyzmeti habarlap otyr.
Federatsııanyń habarlaýynsha, bul 2004 jyldan beri atalmysh jas sanatynda uıymdastyrylyp otyrǵan alǵashqy birinshilik. Sondaı-aq, osyndaı dárejedegi týrnırdi tuńǵysh ret Qazaqstannyń oblys ortalyǵy ótkizip otyr.
Qazaqstandyq 13 sportshynyń 10-y fınalǵa shyǵyp, olardyń 7-eýi altyn medalge ıe boldy. Bizdiń quramanyń negizgi qarsylastary Ózbekstan men Tájikstan quramalary boldy. Jarysqa Azııanyń 13 elinen 98 boksshy qatysty.
