Jasóspirimder arasyndaǵy álem chempıonatynda qazaqstandyq vaterpolshylar Ispanııadan jeńildi
ASTANA. QazAqparat - Almatyda 20 jasqa deıingi jasóspirimder arasyndaǵy sý doby boıynsha álem chempıonatynyń úshinshi kúni aıaqtaldy. «Rakhat Fitness» sport kesheninde segiz tartysty kezdesý ótti, dep jazdy Sports.kz.
Oıyn kúnini ashylǵanda Avstralııa men Serbııa quramalary qarsylastary Meksıka men Irannan basym tústi. Keıin D tobynda Qazaqstan quramasy, bul toptaǵy taǵy eki komanda Italııa men Kanada synǵa tústi.
Jarystyń úshinshi kúninde Qazaqstan Ispanııa quramasymen básekelesti. Ispanııalyqtar kezdesýdi shabýyldardan bastady. Alaıda Nemanıa Knejevıch shákirtteri barynsha qarsy turyp qarsylastaryn alǵa jibermeýge tyrysty. Ekinshi kezeńde eki komanda teń dárejede oınap, alaıda úzilisten keıin bul kórsetkishti saqtap qalý múmkin bolmady. Ispanııalyqtar edáýir alǵa shyǵyp ketti. Jerlesterimiz komandalar arasyndaǵy araqashyqtyqty qysqartýǵa tyrysty. Oıyn 13:21 esebimen ıspanııalyq quramasynyń paıdasyna sheshildi.
Úshinshi oıyn kúniniń nátıjeleri:
Avstralııa - Meksıka 20:5
Serbııa - Iran 18:6
Italııa - Kanada 16:11
Mysyr - OAR 24:8
Chernogorııa - Horvatııa 7:14
Grekııa - Qytaı 25:8
Vengrııa - Japonııa 16:9
Qazaqstan - Ispanııa 13:21.
