Jasóspirimder arasynda jynystyq jolmen beriletin aýrýlardyń ósý qaýpi bar - maman

ASTANA. QazAqparat – Qazaqstandaǵy ıÝNFPA-nyń jynystyq jáne reprodýktıvti densaýlyq jónindegi jobasynyń úılestirýshisi Gaýhar Abýova jasóspirimder arasynda jynystyq jolmen beriletin aýrýlardyń ósýi qaýpi bar ekenin aıtty, dep habarlaıdy QazAqparat tilshisi.

«Reprodýktıvti densaýlyq týraly aıtqanda, biz únemi jas urpaqtyń densaýlyǵyna nazar aýdaramyz. Elimizdegi jasóspirimder ıntımdik qatynasqa erte túse bastaǵany baıqalyp otyr. 15-19 jas aralyǵyndaǵy jasóspirimderdiń úshten bir bóligi qazirdiń ózinde jynystyq belsendi bolyp otyr. Osy oraıda olardyń alǵash ret jynystyq qatynasqa túsýiniń ortasha kórsetkishi 16,5 jas shamasynda», - dedi G. Abýova otbasy, demografııa jáne genderlik saıasat máseleleri jónindegi halyqaralyq ǵylymı konferentsııa barysynda.

Onyń sózine qaraǵanda, bul qatynystar boıynsha jasóspirimder qaýipsizdik máselesine múldem mán bermeıdi.

«Bul rette jastar jynystyq jolmen beriletin ınfektsııalardan qorǵanýy kerek. Sonymen qatar, elimizde jasóspirimder arasynda erte júktilik máselesi de bar. Sondyqtan osy problemasyna tıisti deńgeıde nazar aýdarý mańyzdy. Óıtkeni jastar arasynda bul aýrýlar kórsetkishiniń ósýi qaýpi bar. Atap aıtqanda, jasóspirimder men jastar arasynda osy salada tıisti túsindirý jumystaryn júrgizý kerek», - dedi Gaýhar Abýova.

Budan buryn habarlanǵandaı, 17 qarashada elordada Otbasy, demografııa jáne genderlik saıasat máseleleri jónindegi halyqaralyq ǵylymı konferentsııa bastaldy.