Jasóspirimder arasynda shahmattan Qazaqstan chempıonaty ótedi
ALMATY. QazAqparat – 5-18 qańtar aralyǵynda Almatyda 18 jasqa deıingi jasóspirimder arasynda klassıkalyq shahmattan, rapıd pen blıtsten Qazaqstan Respýblıkasynyń chempıonaty ótedi, dep habarlaıdy QazAqparat.
Jarys 9 kezeńde shveıtsarııalyq júıe boıynsha ótkiziledi.
Klassıkalyq shahmattan «8», «10», «12», «14», «16» jáne «18» jas sanatyndaǵy QR Chempıondary 2020 jyly klassıkalyq shahmattan jasóspirimder arasynda ótetin Álem chempıonatyna qatysýǵa múmkindik alady.
Klassıkalyq shahmattan «8», «10», «12», «14», «16» jáne «18» jas sanatyndaǵy QR chempıonatynyń kúmis júldegerleri 2020 jyly klassıkalyq shahmattan jasóspirimder arasynda ótetin Azııa chempıonatyna qatysady.
Saıystyń jeńimpazdary men júldegerlerine (2014 jylǵa deıin dúnıege kelgender) medaldar, dıplomdar men qarjylaı syılyqtar tabys etiledi.
2014 jyly dúnıege kelgen jáne odan jas jeńimpazdar medaldarmen jáne dıplomdarmen marapattalady. Chempıonattyń uıymdastyrý komıteti qosymsha syılyqtar bekite alady.
Týrnırdiń resmı jalpy syılyq qory - 2 000 000 teńge.
