Jasóspirimder arasynda «Seniń quqyǵyń jetkinshek» taqyrybynda baıqaý ótti

Sharanyń maqsaty - búgingi kúni qoǵamnyń árbir óskeleń jastarynyń zań aldyndaǵy jaýapkershiligin arttyrý. «Baıqaý jastarǵa quqyqtyq normatıvtik aktilerdi oryndap, qurmetteı bilýge úıretýge, óz quqyqtaryn qorǵaı bilýge úıretýge, sonymen qatar demokratııalyq kózqaras qalyptastyrýǵa baǵyttalǵan. Jas tulǵany úılesimdi tárbıeleý salasynyń biri - osy quqyqtyq tárbıe», -deıdi Almaty qalasy Ortalyqtandyrylǵan kitaphanalar júıesiniń dırektory Roza Qabıeva.

Baıqaýǵa Almaty zań kolledjiniń (Azamat» toby), Turar Rusqulov atyndaǵy Ekonomıka ýnıversıtetiniń kolledjinen («Aqıqat» toby), Qonaev atyndaǵy Ýnıversıtet kolledjinen («Ádilet» toby) jáne Almaty tehnologııa ýnıversıtetiniń kolledjinen («Jeti jarǵy» toby) barlyǵy 20-dan asa stýdent qatysty.

Baıqaý sharttary boıynsha stýdentter «Blıts», «Jasyryn sózder», «Sózjumbaqtar saıysy», «Ómirge keldiń, zańyńdy bilgin!» saıys kezeńderinde óz bilimderin shyńdady.

Jıyn barysynda sondaı-aq stýdentter óleń oqyp, ánin shyrqady. Al óz kezeginde kitaphanashy AıymTursynhanova «Seniń quqyǵyń jetkinshek!» atty kitap kórmesimen tanystyrdy.

Ádil qazylar alqasy ár toptyń bergen jaýabyna baǵalaryn berip jeńimpazdardy anyqtady. Baıqaýdyń qorytyndysy boıynsha «Aqıqat» toby - Bas júldeni, «Azamat» toby - birinshi, «Jeti jarǵy» - ekinshi jáne «Ádilet» toby - úshinshi oryndardy ıelendi.