Jasóspirimder arasynda quzǵa órmeleýden álem chempıony Alpide qaza tapty
NUR-SULTAN. QazAqparat – Frantsýz alpınısi Lıýsı Dýadı Alpide quzdan qulap, 16 jasynda qaza tapty. Bul týraly Paris Match basylymy habarlaıdy.
Qaıǵyly oqıǵa Frantsııanyń Krol kommýnasynda bolǵan. Dýadı 150 metr bıiktikte quzǵa shyǵýdyń eki sektorynyń arasynda aıaǵy taıyp, qulap ketken.
Ol 2019 jyly quzǵa órmeleýden jasóspirimder chempıonatynda altyn medal jeńip aldy. Keıinirek frantsýz qyzy eresekter arasynda boýlderıngten álem chempıonatynda altynshy oryn ıelendi. Dýadı Tokıodaǵy Olımpıada oıyndaryna irikteý synynan óte almady.
